IN NATIVITATE B.M.V. festum

NATIVITATEM HODIERNAM

 PERPETVAE VIRGINIS GENETRICIS DEI MARIAE DEVOTISSIME CELEBREMVS, 

CVIVS VITA INCLITA 

CVNCTAS ILLVSTRAT ECCLESIAS.

CORDE ET ANIMO 

CHRISTO CANAMVS GLORIAM 

IN HAC SACRA FESTIVITATE 

PRAECELSAE GENETRICIS DEI MARIAE!

(ex responsorio ad officium lectionis)

MONASTICA LATINITAS PAVLOPOLITANA

Hodie 

cum scholam de Linguae Latinae elementis tironibus in Monasterio Paulopolitano Congregationis Brasiliensis habitantibus explicarem,

 magno cum gaudio primum capitulum libri cui titulus est "Familia Romana" a H. Ørberg viro doctissimo praeclarae memoriae exarato perlegimus, 

ad usum Linguae Latinae Catholica in Ecclesia fovendum. 

Inter monasterios huius Congregationis 

tantummodo hic 

latine magister docet 

et latine discipuli discunt.

Cito, ut expecto, tirones opera Maiorum nostrorum lecturi sunt. 

Primum id cui titulus est 

Praecipua Elementa Vitae Monasticae 

Mauro Wolter auctore   

erit. 

Postea, Deo adiuvante, 

vitam Sancti Patris Nostri Antoni 

legemus

ORA ET LEGE VT CORAM DEO SEMPER SIS!

QVI VVLT CVM DEO SEMPER ESSE, 
FREQVENTER DEBET ORARE ET LEGERE. 
NAM QVVM ORAMVS, 
IPSI CVM DEO LOQVIMVR. 
QVVM VERO LEGIMVS, 
DEVS NOBISCVM LOQVITVR.

Smaragdus, Abbas S. Michaelis in Lotharingia (+824)

SI COR NON ORAT IN VANVM LINGVA LABORAT

DOMINICI STVDIOSVS SERVITII ITA RECITABIS, VT DILVCIDA SINT, CLARA ATQVE DISTINCTA VERBA IN HONOREM VERBI INCREATI, EX QVO OMNIS EMANAT VERITAS. TALI MODO ET INTERNVS GVSTATVR VERBORVM SENSVS ET COR COELESTI LVMINE ATQVE VNCTIONE PERFVNDITVR. TAM IN PSALMODIA QVAM IN SANCTO ECCLESIAE CANTV ET MENS TVA CONCORDET VOCI ET VOX MENTI. SONET VOX TVA IN AVRIBVS SPONSI ITA, VT VOX SIT ILLI DVLCIS ET FACIES QVAE EST ANIMA TVA DECORA. CASTAE IN SACRIS HYMNIS RESONENT ANGELORVM MELODIAE, VT VNA TECVM AEDIFICENTVR AVDIENTES ET, SICVT ANIMI, ITA SENSVS IVCVNDE AD DEVM CONVERTANTVR. SIC PSALLITVR SAPIENTER, IVBILATVR IN TIMORE AC LAETITIA, HVMILITATE ET LACRYMARVM COMPUNCTIONE. O TE PERBEATVM, SI TVA ERIT LAVS ILLA: "ECCE VERVS DEI CVLTOR: DE OMNI CORDE SVO LAVDAVIT DOMINVM, ET DEDIT IN CELEBRATIONIBVS DECVS, ET DILEXIT DEVM, QVI FECIT ILLVM"

(ex Praecipuis Ordinis Monastici Elementis D.Mauri Wolter, p. 115)

BENEDICTVS PP. XVI, AVGVSTVS LINGVAE LATINAE VSVS ATQVE CVLTVS IN ECCLESIA CATHOLICA DEFENSOR

"Quapropter necessitas instare videtur ut linguae Latinae altius cognoscendae eiusque congruenter utendae fulciatur cura, sive in ecclesiali sive in patentiore cultus campo. Ut hic nisus extollatur et evulgetur, consentaneum prorsus est docendi rationes adhibere aptas ad novas condiciones et provehere item necessitudines inter Academicas institutiones et inquisitores, ut copiosum ac multiforme Latini cultus patrimonium efferatur." (ex Litteris Apostolicis Motu Proprio datis "LATINA LINGVA")

SACROSANCTVM MISSAE SACRIFICIVM

IN SEPVLCHRO VITA