ORA ET LEGE VT CORAM DEO SEMPER SIS!

QVI VVLT CVM DEO SEMPER ESSE, 
FREQVENTER DEBET ORARE ET LEGERE. 
NAM QVVM ORAMVS, 
IPSI CVM DEO LOQVIMVR. 
QVVM VERO LEGIMVS, 
DEVS NOBISCVM LOQVITVR.

Smaragdus, Abbas S. Michaelis in Lotharingia (+824)

SI COR NON ORAT IN VANVM LINGVA LABORAT

DOMINICI STVDIOSVS SERVITII ITA RECITABIS, VT DILVCIDA SINT, CLARA ATQVE DISTINCTA VERBA IN HONOREM VERBI INCREATI, EX QVO OMNIS EMANAT VERITAS. TALI MODO ET INTERNVS GVSTATVR VERBORVM SENSVS ET COR COELESTI LVMINE ATQVE VNCTIONE PERFVNDITVR. TAM IN PSALMODIA QVAM IN SANCTO ECCLESIAE CANTV ET MENS TVA CONCORDET VOCI ET VOX MENTI. SONET VOX TVA IN AVRIBVS SPONSI ITA, VT VOX SIT ILLI DVLCIS ET FACIES QVAE EST ANIMA TVA DECORA. CASTAE IN SACRIS HYMNIS RESONENT ANGELORVM MELODIAE, VT VNA TECVM AEDIFICENTVR AVDIENTES ET, SICVT ANIMI, ITA SENSVS IVCVNDE AD DEVM CONVERTANTVR. SIC PSALLITVR SAPIENTER, IVBILATVR IN TIMORE AC LAETITIA, HVMILITATE ET LACRYMARVM COMPUNCTIONE. O TE PERBEATVM, SI TVA ERIT LAVS ILLA: "ECCE VERVS DEI CVLTOR: DE OMNI CORDE SVO LAVDAVIT DOMINVM, ET DEDIT IN CELEBRATIONIBVS DECVS, ET DILEXIT DEVM, QVI FECIT ILLVM"

(ex Praecipuis Ordinis Monastici Elementis D.Mauri Wolter, p. 115)

BENEDICTVS PP. XVI, AVGVSTVS LINGVAE LATINAE VSVS ATQVE CVLTVS IN ECCLESIA CATHOLICA DEFENSOR

"Quapropter necessitas instare videtur ut linguae Latinae altius cognoscendae eiusque congruenter utendae fulciatur cura, sive in ecclesiali sive in patentiore cultus campo. Ut hic nisus extollatur et evulgetur, consentaneum prorsus est docendi rationes adhibere aptas ad novas condiciones et provehere item necessitudines inter Academicas institutiones et inquisitores, ut copiosum ac multiforme Latini cultus patrimonium efferatur." (ex Litteris Apostolicis Motu Proprio datis "LATINA LINGVA")

SACROSANCTVM MISSAE SACRIFICIVM

IN SEPVLCHRO VITA

HODIE DIES OCTAVVS EST NATIVITATIS VESTRAE!

HODIE DIES OCTAVVS EST NATIVITATIS VESTRAE, HODIE COMPLETVR IN VOBIS SIGNACVLVM FIDEI, QVOD APVD ANTIQVOS PATRES IN CIRCVMCISIONE CARNIS FIEBAT OCTAVO DIE CARNALIS NATIVITATIS. VNDE ET IPSE DOMINVS MORTALITATE CARNIS RESVRGENDO SE EXSPOLIANS, ET NON QVIDEM ALIVD, SED TAMEN VLTRA NON MORITVRVM CORPVS EXSVSCITANS, DOMINICVM DIEM IN SVA RESVRRECTIONE SIGNAVIT, QVI POST DIEM PASSIONIS EIVS TERTIVS, IN NVMERO AVTEM DIERVM POST SABBATVM OCTAVVS EST, IDEMQVE PRIMVS. (Augustinus, Sermo VIII in Octava Paschae 1.4)

TEMPVS QVADRAGESIMAE

MEMENTO, HOMO, QUIA PULVIS ES, ET IN PULVEREM REVERTERIS.